Categorías

La Danza del Viento - Sofia Monsalve

11/05/2019· Cursos monográficos

SOFIA MONSALVE

Fórmase como actriz desde a idade temperá de 4 anos, xunto coa compañía da súa familia o Teatro da Memoria dirixida polo mestre Juan Monsalve. Á idade de 17 anos inicia os seus estudos de Antropoloxía na Universidade de Ándelos de Bogotá e viaxa a Europa para iniciar un proceso de formación e traballo co Odin Teatret, dirixido por Eugenio Barba, estadio que durará 10 anos.

Desde o 2008, Iben Nagel Rasmussen (actriz fundadora do  Odin) asúmea como discípula e ingresa ao grupo internacional de investigación teatral “El Puente de los Vientos”, dirixido pola mesma Rasmussen. Dentro deste grupo, imparte talleres, actúa en espectáculos, e xestiona actividades comunitarias en todo o mundo. Neste mesmo ano consegue formar parte do elenco estable da compañía danesa actuando en 5 espectáculos.

TALLER BASEADO NAS ENSINANZAS DE EUGENIO BARBA E IBEN NAGEL RASMUSSEN (ODIN TEATRET)

Os principios do adestramento que se empregarán son os aprendidos co director Eugenio Barba e coa mestra Iben Nagel Rasmussen durante unha década de traballo no Odin Teatret. O adestramento consiste nunha estrutura colectiva de exercicios onde se desenvolven diferentes tipos e “calidades de enerxía”. A través destes o actor aprende, a relacionarse co espazo, o ritmo e cos seus compañeiros na escena, identificar os impulsos orgánicos do corpo e a organizalos en accións que teñen un inicio, un desenvolvemento e un final.

Nun segundo momento, recibiranse ferramentas técnicas para atopar diferentes calidades de enerxía dinámica para realizar as accións, e danzar coa intención, para logo comezar a explorar as posibles transformacións da acción seguindo os principios da antropoloxía teatral.

A música e o canto serán elementos presentes durante todo o traballo. Os participantes deberán, na medida do posible, contribuír con músicas e cancións.

EXERCICIOS:

A danza do Vento: unha danza grupal que desenvolve a transformación do peso en enerxía, para atopar un fluxo de accións en constante interacción co espazo, o ritmo e os compañeiros.

As acción vocal e as raíces da voz: adestramento vocal con base aos resonadores do corpo, o canto como vibración e extensión das posibilidades expresivas da voz.

Koshi: camiñada con resistencia, base das técnicas de actuación xaponesas, desenvolve a contención da enerxía nunha constante oposición entre vectores opostos para atopar unha presenza desde a non acción.

Partitura de accións físicas: elaboración de secuencias de accións físicas para traballar os principios da antropoloxía teatral, como as variacións do tamaño, as oposicións, a dirección no espazo e a variación do ritmo.

  • Público destinatario: Artistas escénicos de teatro, danza, artes vivas performance e música) con ou sen experiencia que queiran traballar sobre a súa presenza escénica.
  • Necesidades: roupa de traballo cómoda e faixa de tela de 2m.
  • Datas:

                o   14 de Xuño de 2019 de 17:00h a 19:00h.

                o   15 de Xuño de 2019 de 10:00h a 14:00h.

                o   16 de Xuño de 2019 de 10:00h a 14:00h.

Redescubre o teatro na Sala Ártika

Visita as nosas instalacións en Vigo e atopa unha nova forma de desfrutar das artes. Faite xa coas túas entradas!