ÁRTIKA VIGO SALA, COMPAÑÍA E ESCOLA DE TEATRO
Nunca fuches ao teatro?
En Ártika tes espectáculos, unha compañía premiada e cursos para todas as idades.
O teatro comeza aquí.
1ª SEMANA – O LIBRO DA SELVA
2ª SEMANA – O LIBRO DA SELVA
QUICO CADAVAL CONTA… COMPLEXO DE EDIPO
Aprende, crece e exprésate a través das artes escénicas.
Cada programa foi coidadosamente deseñado para atender ás necesidades e obxectivos do noso alumnado. Cun enfoque integrador e profesional, ofrecemos unha experiencia educativa completa para aqueles que desexen aprender, crecer e expresarse a través das artes escénicas.
Obradoiro de Escrita: Teatro Documento con Santiago Cortegoso
A Sala Ártika de Vigo acolle un obradoiro de escrita centrado no concepto de "Teatro Documento", impartido polo recoñecido dramaturgo Santiago Cortegoso de Ibuprofeno Teatro.
Durante o fin de semana do 8 ao 10 de maio , os participantes explorarán ferramentas para transformar sucesos históricos ou cuestións de actualidade en material escénico, rompendo a barreira da ficción para introducir a dimensión do real.
O curso afondará en claves como a memoria, a autoficción e os procesos de documentación, vinculando sempre o íntimo co político.
Trátase dunha oportunidade para descubrir recursos creativos que permitan reivindicar o pasado e introducir debates necesarios na esfera pública actual.
MÁIS INFORMACIÓN E RESERVAS
Ártika Cia.
Para nós, o teatro non só entretén, senón que ten unha finalidade clara. Cada unha das nosas producións busca unir a maxia do espectáculo cun enfoque educativo e crítico, fomentando a reflexión e a concienciación no noso público. Dedicámonos a ser ese vínculo vital entre as artes escénicas e o compromiso social, proporcionando experiencias teatrais que inspiran, educan e marcan verdadeiramente a diferenza.
Ártika Cia destaca nos Premios María Casares 2025.
A compañía Ártika Cia é finalista dos Premios María Casares con dúas das súas producións. "Pum! Pum! Quen ahí?" está nominada a Mellor Maquillaxe (Fernanda Barrio e Rocío Salgado) e Mellor Espectáculo Infantil. "Non pasarán" é finalista nas categorías de Mellor Vestuario (Carlos Alonso) e Mellor Texto Orixinal (Vanesa Sotelo e Tito Asorey). Parabéns a todo o equipo!
