TALLER DE COMMEDIA DELL’ ARTE impartido por Carolina Calema
A proposta é somerxernos no universo da Commedia dell’arte que é unha experiencia agradecida e potente. A Commedia dell’arte é o teatro en si, é o fenómeno onde as mulleres comezamos a traballar (ata onde se sabe, foi entón cando se nos permitiu entrar na escena. Antes, os nosos roles desempeñábanos os homes), onde se comezou a falar de profesionalidade, un fenómeno que contaba con comediantes cun gran coñecemento que a medida que o tempo pasaba só medraba. Sabían de esgrima, verso, baile, poesía, comedia, drama…
As clases serán prácticas na súa maioría, aínda que a teoría terá un espazo pertinente para contextualizar aos personaxes e demais cuestións necesarias.
Á conclusión do laboratorio, si o grupo está de acordo, faremos unha clase aberta para que o público coñeza que tránsito fixemos con e dende a Commedia dell’arte.
OBXECTIVOS:
- Análise e práctica de textos da gran tradición italiana.
- Estudio e coñecemento das máscara
- Estudio de gravados e iconografías teatrais
- Estudio dos “canovacci”
- Estudio dos documentos (entregando ao alumno un coñecemento teórico da Commedia dell’arte, estudiando o medio histórico social dentro do cal desenvólvese)
- A liberación da capacidade expresiva da voz e do corpo
- Da imaxinación creativa e da mente
- O dominio do espazo
- O auto coñecemento
CAROLINA CALEMA, comeza a súa formación en Arxentina no Instituto Vocacional da Arte aos oito anos de idade. Máis tarde frecuenta o Instituto Universitario Nacional de Arte de Bos Aires (I.U.N.A.). Paralelamente aos seus estudos oficiais, presta particular atención á investigación e ao adestramento do corpo, así como ao estudo do clown e da formación en dramaturxia e dirección. Desenvolve a técnica de mimo na Escola Arxentina de Mimo a cargo do gran mestre Ángel Elizondo, especializado xunto a Etienne e Maximilien Decroux e Lecoq; e con outros grandes mestres como Julio Chávez, Julia Calvo e Carlos March, etc. Continúa os seus estudos en Commedia dell’arte nas escolas máis importantes de Italia.
Entre os seus traballos como actriz cabe destacar: Match de Improvisación, espectáculos a pura base de improvisación en Arxentina e Europa. No 2008 funda Impromatch, a súa propia compañía de improvisación en Madrid. Como actriz participou, por exemplo, en “Orquesta de señoritas” de Jean Anouilh, “A lección” de Ionesco, “A dama Boba” de Lope de Vega, “Historia dunha Escaleira” de Buero Vallejo, “Flechas del ángel del olvido” de José Sanchis Sinisterra, “Conquistadoras” de Susana Hornos, “La Celestina” coa que sigue traballando tanto a nivel nacional como internacional participando en festivais de gran prestixio e recibindo distincións e premios polo traballo.
Estrea no Festival Internacional de Teatro Clásico de Almagro “Historia dos estados e imperios da lúa” dirixida por Sergio Artero que tamén firma a adaptación.
En el 2019 estrea nas Jornadas del Siglo de Oro de Almería, como actriz e produtora, “Querella de Lope y las mujeres” de Yolanda Pallín con dirección de Ernesto Arias.
Dende a súa compañía CALEMA PRODUCCIONES traballa poñendo énfase na investigación e fusión das diferentes disciplinas valorando fortemente a busca de novas linguaxes: xa sexa dende a escritura, dende a dirección ou ben dende a interpretación.
MATERIAIS NECESARIOS:
- Roupa cómoda
- Dous textos aprendidos que serán entregados pola docente días antes do inicio do curso.
- Entrega do Currículo do alumno ou alumna xunto coa inscrición no curso.
DATAS
- Xoves 23 de novembro de 2023 de 19:00 a 22:00
- Venres 24 de novembro de 2023 de 19:00 a 22:00
- Sábado 25 de novembro de 2023 de 10:00 a 14:00