Categorías

GO ON!

GO ON!

Espectáculos de xaneiro 2022

Inicio del evento
  • Inicio: 28/01/2022
Fin del evento
  • Fin: 30/01/2022
Lugar del evento
  • Lugar: Sala Ártika
  • Direccion: Avda. de Beiramar, 113 - 36208 - Vigo (Pontevedra)
  • Localización: Ver mapa

Entradas para o espectáculo “GO ON - MALASOMBRA” na Sala Ártika de Vigo
Data: Venres 28, Sábado 29 e domingo 30 de xaneiro de 2022

Hora
Venres 28 de xaneiro de 2022 ás 20:00h
Sábado 29 de xaneiro de 2022 ás 20:00h
Domingo 30 de xaneiro de 2022 ás 20:00h

Recinto: Sala Ártika

Prezo
En taquilla: Entrada Xeral: 14€ 
Venta online: Entrada Anticipada: 10€ + gastos de xestión

Idades recomendada: +12

Duración: 65 minutos.

Entradas para o espectáculo “GO ON - MALASOMBRA” o Venres 19, Sábado 20 ou Domingo 21 de novembro na Sala Ártika.

SINOPSE:
Logo da chegada do home á lúa á humanidade só lle faltaba un reto: a chegada do home a Galicia. No ano 2010 (ano 25 despois de Gayoso), dous intrépidos exploradores tiveron o valor de adentrarse nas descoñecidas terras galaicas a través da ruta xacobea.
“GO ON!” recopila esta experiencia límite que deixa aos do “Al filo de lo imposible” como simples boyscouts.
“GO ON!” é unha emocionante novela de aventuras na que os seus protagonistas viven situación extremas como o terrible ataque do despiadado can de palleiro ou a entrevista a un porco no corredor da morte.
“GO ON!” é un completo folleto turístico que servirá para que outros ousados viaxeiros saiban como conseguir alimento nas festas gastronómicas ou como identificar á Santa Compaña.
“GO ON! é un manual de supervivencia imprescindible para saber como viaxar nun tren galego a velocidade negativa cheo de galegos cantando cancións populares ou como ser porco e sobrevivir no San Martiño.
“GO ON! é unha guía de primeiros auxilios con recomendación necesarias como que facer logo de ser salvaxemente agredido por un toxo ou que facer logo de limparse o cú con ortigas.
“GO ON!” é a conferencia que percorre o mundo dende Burgos a Arkansas desvelando os misterios máis íntimos de Galicia e os seus habitantes, como cal é a orixe da frase “non me toques os suevos”, cada canto tempo cambian as sábanas os da Santa Compaña, ou cal é a resposta definitiva á pregunta máis trascendente de todas as preguntas: “Que din os rumorosos na costa verdecente?”
“GO ON!” . Unha odisea cómica no espacio galego.

As entradas para o espectáculo “GO ON - MALASOMBRA” na Sala Ártika de Vigo teñen un prezo de 14€ ou 10€ + gastos de xestión.

Podes mercar a túa entrada na nosa web ou premendo aquí

Redescubre o teatro na Sala Ártika

Visita as nosas instalacións en Vigo e atopa unha nova forma de desfrutar das artes. Faite xa coas túas entradas!